Ujor uwi ha u DGP wa chah dat u diah u ha ki pulit wa suba slaitbor u ya kawi ka khynnah

Shillong: Katkam wa pyntip ki pulit, uwi u bru wa tip kam u Franklin Shyrkon naka chnong Tiehsaw, Nongstoin, WKH da ujor u ha u DGP, Meghalaya pyrchah ya u SI Goera T Sangma deiwa pynbaad wa u diah yong oo da chah dat u ha ki pulit neidaw wa chah pynbaad u wa slaitbor u diah u Franklin, u Jeremiah Shyrkon ya kawi ka kynthai kawa hapoh 18 snem.

Related posts

Chah kem ki ar ngut kiwa na West Jaiñtia Hills kiwa tooh Mobile Phone na Glory’s Plaza

January 30, 2026

Ujor FIR ka kurim pyrchah ya u kurim uwa tooh Rs. 10 lak uwa da mut leh wow dung yap ya ka bei ko

January 30, 2026

U Franklin da ong u wa u diah yong oo da chah kem u pyrchah ya ka aiñ du neidaw wa chah pynbaad wa slaitbor u ya kani ka kynthai kawa da jia katkam ka ujor ha ka 19-04-18.

Uwa ujor da ong u wa i chah kem u diah u toh man ko kawa pyrchah-aiñ neibhah ym em Register Case hadooh wa kiwa ha yung ha sem yong oo leh ym chah ki pulit wow yachem ya oo wei da dawa wow pynchitom ya ki pulit wa emkti ha kani ka kaam.