Um toh iwa eh ya ka UDP wow phah yei thoh cha ka MDA wow yoh ya u kyrtong MP wa hunlang yong ka UDP: Bindo Lanong

Shillong: Uwa yahkhmat ka NPP ha ka jylla, u Dr. WR Kharlukhi da ong u wa i kwah yong ka UDP wow yoh ya u kyrtong wa hunlang neibynta ka Election MP cha ka dorbar Lok Sabha toh u yaklam chwa wa ka yalang ki lok wa em ha ka sorkar synrop Meghalaya Democratic Alliance (MDA) neibha wa ha ka sorkar emlang wa kiwi ki party leh.

“Hanlada ym pu em yoh i ya i thoh wa kyrpang na ka UDP, tangwa da yachem i wa kiwa yahkhmat ka UDP wei katkam wa da yoo ha ki khubor sniaw i wa emkaam wow ya phyllu yumut lang wa waroh ki kiwa em ha ka sorkar,” da ong u Dr Kharlukhi.

Heiyatoh won wa i thmu ka wow booh kyrtong ka NPP, u Dr. Kharlukhi da ong u wa hadooh katni ka Party ym pu em yaklam ko wa ini iyi iyi leh.

“Ka UDP toh kawa emlang waka sorkar MDA wei daw rah i yeiwa kwah ko ha ka yalang ka MDA,” wei da kyntait u leh wa ka UDP daw booh kyndon ko ya ka sorkar MDA wa ka NPP wow booh kyrtong ki du ha Tura wei wow e laad ya ka UDP na Shillong ha ka Election MP.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hawa yoh u yaklam wa u Working President ka United Democratic Alliance (UDP), u Bindo M Lanong da ong u wa lada emkaam ka Party daw phah ko dei thoh cha ka MDA heiyatoh wa u kyrtong hunlang namo u Common Candidate neibynta ka Election MP 2019.

U Bindo da ong u leh wa ya ini waroh da dep yaklam wa ki lok la NPP wei ym man ko kawa eh wow e dei thoh yei thrang ka UDP yow pynche ya ini waroh.