U Superintendent of Police ka East Khasi Hills, u Vivek Syiem da pyntip u wa u Assistant Organizing Secretary ka KSU (CEC), u Jeremiah Pohtmi uwa man leh u President ka KSU Nongmensong Unit da rah ya oo ynne ka sngi hakhmat ka yung bichaar yow paan bor takit ya oo.
Da pyntip wa uni uwa chah kem toh uwi na kiwa kah durkhmat wei wa uni kattu dapoi 4 ngut ki dkhot ka KSU kiwa da chem kem heiyatoh iwa jia ha Shillong ha ka 19 tarik.
U Vivek da khana u leh wa ka takit kawa kattæ dang lai ko chakhmat hajrong iwa jia ha ka Rally ka KSU ha Shillong wei da thung leh da ka Special Investigation Team (SIT) wa khlieh da u IG (Law & Order) yow tipmit ya kiwa emkti.
Hawa kubur wa dang man iwa jinjar wow thooh ya ki bru kiwa kah durkhmat kiwa da thombor ha katu ka sngi, tangwa da ong u wa em ki laad wow tipmit ya kini ki bru.
Discussion about this post