U President ka Meghalaya Pradesh Congress Committee (MPCC), u Vincent H Pala da kam u wa uwi pa uwi uwa chong chnong ka Meghalaya daw em ram u Rs. 76,000 samen hawa pait yei rukom chim ram kani ka sorkar MDA.
Da ong uwa ka jylla Meghalaya toh ka jylla kawa kitram bha kamwa da maham u Auditor General wa ka Niti Aayog. Ka ram kawa chim ka Meghalaya man ko hadooh 37% ka GSDP kawa heh tam ha ka ri heiwa ha waroh kawi ka ri man ko du 28% wei daw man ko i eh ya ka jylla neibhah da chim ram bait ko katwa yoh.
Hawa klam ynne ka sngi, u Vincent Pala da ong u wa i mih na ka jylla man ko kamwa Rs. 4000 klur haroh katwa i yoh na ka sorkar India man ko kamwa Rs. 9000 klur.
Kamtæ da ong wa ka sorkar da kam ko wa kani ka poisa toh wow pynemkaam yow chna sarok tangwa da yoh kreh du ki yong ki hi ki bru katwa ki paidbah nang dooh kaam dooh jaam ki.
Discussion about this post