Ka Meghalaya da pynkut ko yaka yalehke haka Vijay Hazare Trophy deiwa jop yaka Manipur da 83 Run ha Chennai iwa man leh i sien wa soo wa jop ko ha kani ka lympung.
Deiwa yoh 16 Point, ka Meghalaya da yoh wa le ko ha kani ka Group, deiwa em hadien ka Uttarakhand waka Assam. Da em 8 tylli ki Team ha chi Group heiwa waroh da hap ki wow yaleh mar san sien. Ka Meghalaya ym em yachem ko waka Assam tangwa da rem ko haka Uttarakhand.
Ka Meghalaya da jop ko yaka kylla khlem wei da jied ko wow Bat nyngkong heiwa da kamai ko 303/8 na ki 50 Over heiwa ka Manipur da ye ko wow kamai 220 deiwa dooh ya waroh ki Wicket naka 48.4 Over.
Na kiwa Bat ka Meghalaya, u Abhay Negi da yoh u 56 Run deiwa emlang 4 ngut kiwi kiwa kamai palat 40 Run.
U Negi da poi u wow Bat heipor wa ka Meghalaya da dooh ko ki ki Guest-Professional kitæ u Sanjay Yadav (46 na 44, 4x4s wa 2x6s), u Ravi Teja (45 na 54, 4x4s) deiwa yoh 206/6 na ki 41.1 Over. Tangwa u Negi wa u Dippu Sangma da kamai lang ki 97 Run na ki 8.5 Over kiwa sah. U Negi da yoh u 56 khlem haap (4x4s, 4x6s) na ki 30 tylli ki bol, katwa u Dippu da yoh u 24 (2x4s, 1×6) na ki 19 bol.
Hachwa ini, u Rohit Shah da dat u 4 tylli ki 6 Run yow kamai 44 Run, katwa u Lerry Sangma da kamai u 43 (2x4s, 4x6s) kam uwa Bat wa le.
U Langyonlamba da pyndik u yaka Meghalaya deiwa kamai 83 Run, katwa kiwi kiwa yalehke ka Manipur ym ye ki wow neh slem. Na kiwa kawang bol, u Yadav da yoh u (4/21), u Akash Choudhary (2/31), u Dippu (2/39) wa u Teja da yoh u (1/16).
