U Symbood Montri Rangbah ka jylla, u Prestone Tynsong da ong u wa ha Garo Hills Autonomous District Council (GHADC), ka em ko ya ki kyndon wa chah ya ki baar jylla wow yakhun ya ka Election MDC.
Kam wow pynkynmoo wa neiliang ki kynhun wa seiñbhalang na ri-loom Garo da pynsñiaw ki yei pyrchah wow e laad ya ki baar jylla wow yakhun ya ka Election MDC ha GHADC. Tangwa hawa kylli ynne ka sngi, u Prestone da ong u wa ym ye wow pynkylla ya ki kyndon katni katni, deiwa pynrap leh wa ka GHADC, KHADC wa JHADC ki em ki jar jiar ki AD Rules.
Da ong wa ha i por wa nachwa ya ka KHADC wa JHADC da emlang ki ha ka United Khasi Jaintia wei da em ki da ki yong ki hi ki AD Rules, wei da ong u leh wa nadooh u snem 1963 da sdang wow krehkaam ki District Council, wei hawa yatoh wa ka KHADC wa JHADC, ya ki AD Rules da dep wow pynkylla noh rap hadien.
