U Punit Bisht da kamai u palat 100 Run yaka Meghalaya ynne ka sngi hawa jop ko da 88 Run yaka Sikkim haka Vijay Hazare Trophy wa pynman ha Chennai.
U Guest-Professional u Bisht da kamai u 116 Run na 80 bol hawa kamai ka Meghalaya 319/7 na ki 50 Over hadien wa jop ko yaka kylla khlem heiwa da jied ko wow Bat nyngkong.
Sa uwi u Guest-Professional u Sanjay Yadav leh da lehbha u deiwa yoh sa kawi ka 50 Run deiwa yoh 73 na 42 bol. Ini kynthup ko ya 3 tylli ki 4 Run wa 6 tylli ki 6 Run, katwa u Bisht da yoh u 9 tylli ki 4 Run wa 6 tylli ki 6 Run. U Yogesh Tiwari won da yoh u 58 Run hadien wa wan u hadien wa haap artylli ki Wicket.
Ka Sikkim hawa kdong da ye ko wow kamai 231/9. Uwa kawang bol ka Meghalaya u Dippu Sangma, da yoh u 2/33 na ki 10 Over.
Na kiwa Bat ka Sikkim, u Ashish Thapa (79) wa u Robin Bist (59) toh kiwa da rap pynma yaka Meghalaya. Kiwi de kiwa yoh Wicket toh u Choudhary 1/48, u Abhay Negi 2/46, u Ravi Teja 1/21 wa u Yadav 1/43.
Ka Meghalaya kattu daw yachem ko waka Mizoram haka 25 tarik.
