Ka Uttarakhand da jop ko yaka Meghalaya da 6 Wicket haka yalehke wa nyngkong ka Vijay Hazare Trophy One Day Tournament ha Chennai ynne ka sngi.
Ka Uttarakhand da jop ko yaka kylla khlem wei da jied ko wow phah Bat nyngkong yaka Meghalaya kawa da kamai 242/6 na ki 50 Over, heiwa u Guest-Professional u Sanjay Yadav da kamai boon dooh u 81 Run na 49 tylli ki bol.
Sa kwi ki Guest-Professionals, u Punit Bisht (48) wa u Ravi Teja (44) da ye ki wow ya kynchew lang tangwa ym em ye ki wow poi palat yaka 50 Run.
Na kiwa yalehke ka jylla, u Wanlambok Nongkhlaw wa u Lerry Sangma pyn-ar da yoh ki 29 Run chwa wow haap ki.
Kiwa kawang bol ka Meghalaya da sdang ki deiwa leh bha heiwa u Abhay Negi da pynhaap u ya uwa wai yaka kamai Run ka Uttarakhand u Kamal pyn haka Over wa nyngkong khlem da kamai u chi Run leh. Tangwa u Jay Bista (141) wa u Kunal Chandela (55) da kamai lang ki 126 Runs neibynta u Wicket wa ar chwa wow haap ki.
Ka Meghalaya daw yachem won ko waka Sikkim haka 23 tarik.
