Kawa yahkhmat wa ka MLA ka National People Party (NPP), ka Dr. M. Ampareen Lyngdoh da ong ko wa ka Voice of the People Party (VPP) toh wow yang ko ya bhah yong ka, wei wow e laad wa kitu kiwa da yoh yei bhah wow synchaar wow synchaar ki.
Da ong ko wa i pynbaad u man ki du i pynbaad lada ym ye wow pynsakhiat, lym kamtæ kiwon kiwon ye ki wow klam katwa kwah ki wei ym phær iyi iyi. Da pynrap ko deiwa ong, yang yei bhah yong phi wa daw wan ko tangwa kat wym pu toh i por, e laad ya kitu kiwa toh u synchaar wow synchaar ki.
Ini i ong ka Dr. Ampareen kawa man leh ka Montri ha ka sorkar toh hajrong i pynbaad kyllum ka VPP ha man ki thaw wa ka sorkar kawa yahkhmat da ka NPP toh kawa baam tooh ha waroh ki liang.
Da ong ko wa iyi wa leh ka sorkar, ki paidbah daw bichaar ki deiwa ong leh wa hadien ka Election MP kiwa boon ki bru da paiphang ki, neibhah wa ki bru ha kani ka jylla toh kiwa jooh tip kam kiwa nep bha ha ka saiñpyrthai.
Ka Dr. Ampareen da ong chooh chooh ko wa i pynbaad ymtoh de iyi iyi wa thymme, wei chim ko wa ini toh wa kiwa mihkhmat da leh ki yei kaamram yong ki, deiwa ong leh wa ymtoh wow pynbaad ya ki Political Party hawa rem Election neibhah ymtoh kawa sakhiat, wei emkaam wow e chakri da kawa bha cha ki paidbah.
Da ong ko leh wa toh iwa suk wow kdaw kti ya kiwi, tangwa iwa emkaam toh wow kreh wei wow em wa ki paidbah hawa emkaam ki.
Discussion about this post