U Montri Rangbah ka jylla, u Conrad Kongal Sangma da pynksan bait u wa toh ka sorkar warim ka wym em kynthup ha ka bui (Report) yong u snem 2011 ya ki chnong kiwa kwah wow em katni hapoh ka jylla.
Da kdaw u leh ya ka Map wa da yoh u na kani ka bui cha ki kattu katni kiwa pathai khubor ynne ka sngi, wei i pynksan u Conrad toh hajrong i pynbaad uwa yahkhmat ka Liang Pyrchah, u Dr. Mukul Sangma uwa da ong wa u Montri Rangbah ka Meghalaya toh uwa ngait bait katwa kwah ka Assam.
U Conrad da ong u wa i chah kyntait ki kattu katni tylli ki chnong toh neidaw u Dr. Mukul.
Da ong u wa toh nei leh tangdep ha itu i por wa pynkhreh ya ka bui wa da chah kyntait boon ki chnong ha khappood wow em hapoh Meghalaya, wei ka sorkar wa katni ymye de ko wow leh iwon iwon wei wow pynbaad ya kani ka sorkar wa katni toh iwa bakla i wym yahaap.
