Uwi u khynroo wa tip pyrtuid kam u Tol Sana uwa dang 22 snem i rta uwa na ka chnong Pamtadong, West Jaiñtia Hills District kawa dang haap hapoh ka Amlarem Civil Sub-Division da khlaad noh u hei janmiet yong ka 30 tarik uni u bnai hadien wa chah riñ u hei bordiñ katwa dang Charge Mobile Phone u ha yung.
Katkam wa pyntip na u waheh chnong ka Pamtadong, u Tympang Mylliem, da ong u wa hadien i pleh bordiñ wa da neh da ki boon kynta ha kani ka chnong, tangwa heipor 6:00 waje i janmiet yong ka 30 tarik, ka bordiñ da che ko wei heitæ wot i por u Tol Sana da Charge u ya ka Mobile Phone neidaw wym em Battery de ko, tangwa sihbhah da riñ i bordiñ oo wei da khlaad pyn heitæ hi.
Heiyatoh wa ini i jia, neiliang ki bor pulit kamjooh ka chnat MeECL leh da wan mih ki neibynta u pyndep yeiwa emkaam.
Ya u Tol Sana da tlep ynne ka sngi ha u loom tlep-bru ka Balang U Blei Pamtadong.
Discussion about this post