U MLA ka Congress, u Charles Marngar da ong u wa i rem u Vincent H Pala toh ka rukom neibhah wa chisien wa da jop boon snem, daw em ki daw hanla pyrchang wow leh wow kreh katwon katwon leh.
Hawa klam ynne ka sngi, da ong u wa ka Voice of the People Party (VPP) toh kawa dang thymme, wei da ku smat ko toh neidaw wym pu em ko wa kawon kawon leh wei em ko ki kular wa boon. Ha kani ka juk, ki paidbah pyrkhat ki wa ka VPP daw ye ko wow leh wei ki paidbah kwah ki wow pyrchang wow jied ya ka neibhah toh kawa dang thymme.
Tangwa heijooh i por da ong u wa ha ka Politics daw em i kylla, wei kawon kawon ka seiñ kawa jop daw hap wow e laad u synchaar ko wei ki paidbah daw bichaar ki.
Da ong u leh wa i kwah ki paidbah toh yow yoo yei kylla iwa da pynman ya ki hadooh wow sai poisa na idæ ya ka bai kari, bai cha bai dud.
Ha iwi i liang, da ong u wa neibynta ka Congress ym em ko yeiwa dooh nong tangwa du kamwa kylliang donhi neibhah da rem na Shillong tangwa da jop na Tura.
Discussion about this post