Amlarem : Ka KSU War Jaiñtia Circle ha kani ka 1 tarik da lai yachem ki wa ka SDO ka Amlarem Sub-Division ka I. Laloo hapoh ophis krehkaam ko yow pynsñiaw cha ka yei ood ki paidbah hei yatoh i khynnia u sarok nadooh na Lad Amtapoh hadooh ha Dawki neidaw wa da boon ware ki truck wa pynyieñ na chilliang u sarok heipor wa li challan moochuni ki cha Bangladesh.
Da ong wa i daw wa kongsan dooh wa ujor cha ka SDO toh wa u sarok toh u yong ki paidbah tangwa katni da man u i thaw pynyieñ ki truck wa kit moochuni. Wei da wan ka seiñ cha khmat hadien wa da boon ki paidbah kani ka thaiñ da ood ki wei da dawa na ka SDO wa ym hoi de u chah u pynyieñ ya kini ki truck ha rood uni u sarok neibhah ym toh du wa khynnia u sarok wei da booh ko leh i ma ya ki paidbah.
Chooh chooh da dawa wa ym hoi de u chah u yieñ ki truck da u laiñ nadooh Sohkha cha neiñ neibhah into ktah joor i khamtam ya kiwa kjut kiwa chitom kiwa lai cha ka Nongtalang CHC.
Da em i ma leh ya ki kari wa hiar cha Dawki kiwa yachem mar khmat wa ki truck wa uiñ na Dawki heiwa ka sarok da khynnia chwa ko wei i thaw lai kari man i iwa lai le ratap wa kiwa pynyieñ harood. Kani da kthah bha ko ya kiwa sah ha ki chnong Dawki, Shnongpdeng, Darang, Sohkha, Lamin, Kudeng Thymme, Nongtalang wa kiwi kiwi.
Neilaing ka SDO da kular ko ya ki dkhot ka KSU-War Jaiñtia Circle wow chimkhia yeini tangwa lada i yaklam kut ki du ha ka miej donhi ka seiñ ym yohsa ko u lai cha ki bor wa ha nieñ.
Kani toh katkam ka khubor wa pyllait da u W. Khongiong, President ka KSU War Jaiñtia Circle.
Also Read: Ood Ki paidbah ka War-Jaiñtia wa khynnia u sarok Dawki
Discussion about this post