Ka Khasi Students’ Union-New Delhi da yachem ko wa u montri rangbah ka jylla u Conrad Sangma yow yaklam wa oo ya kiwa boon ki kaam wa yatoh waka jylla wei wow tyrwa leh ya ki buit yow pynbait ya iwa ktah yaka jylla.
Heiyatoh wa i chah khayi ki kynthai kiwa da yoh pynlait ini wa da dep na Delhi deiwa yarap lang ki dkhot ka seiñ, da kyntu ya ka sorkar jylla wow thooh ya ki laad wow kdoh u khoom ya kani ka kaam heiwa hadooh ki khynnah kynthai napoh ka jylla da chah ieñ ki. Ka seiñ da yaklam ko leh yei joor i yalait kurim hapoh ka jylla kam kawi na ki daw wa ngat ki kynthai ha kani ka kaam, kamtæ da kyntu ya u montri rangbah wow pynkrehkaam smat yaka aiñ Marriage Act kawa da sdang da ka seiñ Maitshaphrang yow lait u chah ktah kitu kiwa tlot. Da yaklam leh wow pynboon ya ki kynthai ha ki thaw sorkar.
Neiliang u montri rangbah da pynsñiaw u leh yei sñiawkhia yong oo hei yatoh wa ini i kaam wei da kular u leh wa i pynkup bor ya ki kynthai daw yaklam bha haka dorbar mang poisa ka sorkar jylla.
Heiyatoh waka NEIGRIHMS, ka Union da pynkynmoo ko ya u montri rangbah yei dawa ka seiñbei wow thung ya u Director wa pura kani ka thaw sumaar.
Neiliang u montri rangbah da ong u wa kani ka kaam da lai ko chakhmat wei ym slem de da pyndep ya ini.
Da kyntu leh ya oo wow boodien yei dawa ILP wei ka seiñ leh e ko yei kyrchaan ya ini.
Discussion about this post