U Vice President ka ri, u M. Venkaiah Naidu da kyntu u ya ki Scientist wa ki bru chemphang wow wanrah ya ki laad ki luti wow pynsuk ya ki warep hapoh ka ri.
Ya ini u Naidu da ong u hawa wai ya ka 2nd Edition of Exhibition and Conference on Agri-technology & Innovation ha Prof. Jayashankar Telangana State Agriculture University, Hyderabad ynne ka sngi.
U Naidu da ong u wa i stat ki warep man i iwa khroo bha heiyatoh wow yarap ya ki Scientist wa ki bru chemphang wow puræ wei wow tih bniah ki yeini i stat.
Da pynrap u wa ki khynnah wa puræ lut i du hapoh ki kamra Class wei iwa tam won wa ki warep khnang wow yoh ki ya ki buit ki budia na ki (warep) i wow yarap ya ki wow sñiawthooh ki yei eh i khoo wa takhooh hawa rep.
Chooh chooh da ong u wa i maap ya ka ram ki warep ym man ko ka laad tangwa man i ka laad wa chipor donhi.
Da kdaw u leh ya ki luti wa pura wow pynsuk ya ki warep iwa kynthup ya i saam bordiñ wa khlem thut, i chna ya ki thaw booh tiar namo ko Godown, wa kiwi kiwi.
Hajrong i sdang stang ki thaw pynlang um wa kiwi ki thaw wa pynmih um wow rep, u Naidu da kyntu u ya waroh wow pynneh pynsah ki ya kini ki thaw.
Ha kani ka sngi u Naidu da lai pait u leh ya ki dukan dukdoh wa booh ya ki mar rep wa pynmih da ki warep.
Ha kani ka sngi da dmlang leh u Niranjan Reddy, montri ka Agriculture & Farmers Welfare, Govt. of Telangana, u Mohammad Mahmood Ali, Home Minister ka Telangana, u D Raju, Chairman, CII Telangana, Dr. V Praveen Rao, Vice Chancellor, Prof. Jayashankar Telangana State Agriculture University, Dr. B. Janardhan Reddy, Secretary, Agricultural Marketing and Co-operation Department, Govt. of Telangana, Dr. Peter Carberry, Director-General, ICRISAT, Shri G.V. Subba Reddy, Convenor-CII Telangana Agriculture Panel, wa kiwi kiwi.
Discussion about this post