theme-sticky-logo-alt
theme-logo-alt
Advertisement ad1
Advertisement ad1

Wa joor khia wei ym em biang i ya pynbait lang te haap i tnoom kyllung ka Yung Dorbar

Advertisement ad1

Ka IIT Guwahati kawa takit hajrong i oor i tnoom kyllung ka Yung Dorbar Chna Aiñ wa thymme, da e kti ko ya ka bui (Report) cha ka High Powered Committee (HPC) yong ka Assembly, wei katkam katai ka Report da khana che wa i daw wa haap i tnoom toh neidaw wa joor khia tangwa kiwi ki bynta won toh kiwa skem wei ym em chah ktah na itai i jia.

U Montri Rangbah ka jylla, u Conrad K Sangma da khana u wa ka HPC da phah ko ya ka sorkar wow khut paan pynche na waroh ki liang wa embynta, nadooh ki Company kiwa pynwandur wa kiwa chna ya kani ka yung hajrong i chem kani ka Report.

Advertisement ad1

Da khana u wa ka HPC da yoh pdiang ko ya kani ka Report na ka IIT Guwahati, heiwa ha katai ka Report da khana kyrpang bha hawa yatoh wa i chngaaiñ i chna wa i daw wa pynman wow oor itai i tnoom kyllung.

Da ong u wa katkam ka Report da chem wa i daw wa oor toh wa joor khia ini i tnoom hadooh wym ye de u chan slem neidaw wa yei tnoom ym em da pynbait bha (Lack of Coordination) da kiwa pynkreh da kiwa boon ki Agency.

Hawa yatoh wa i chna ya waroh kawi, da khana wa ka Report da pynyoo wa ym em chah ktah wei man ko kawa chngaaiñ wei skem.

Share this:
Previous

Rah ka Mawlai ya ka Shillong Premier League hadien wym em wa jop hapyrdi ka Langsning waka Rangdajied

Next

Hap ka sorkar wow pynyoo wym em iwa da ya pynbait chwa yeiwa jia ya u Cheristerfield, ong u Dr. Mukul