Kawa kyrchaan wa khlan bha u Martin M Danggo, ka Pelcy Snaitang da khana ko wa i kynroi wow beiñ pynrem ya u Danggo toh na kawi ka Message hapoh WhatsApp wa da thoh da u President ka National People’s Youth Front (NPYF), u Kitborlang Nongrem.
Katkam i ong ka Pelcy, kiwa kyrchaan ym em chimkhia ki hei nyngkong ya kani ka Message, neibhah da kreh chitom, tangwa hawa ki wakreh ka Party maad ki yei eh wei da pyrchang ki wow yachem wa u Montri Rangbah uwa man leh u National President ka NPP, ym yohlaad ki.
Katkam ka Message wa da pynyoo da ka Pelcy da thoh kamni “…Te ngin leh kumno ngin pynjop biang ia i Sir Pius bad Sir Renik mo”.
Kini kiwa kyrchaan da chim ki ya ka rai wow mih noh na ka NPP ynnne ka sngi wei da lai psiah ki cha ka BJP, hadien ini da lai ki leh wow kyntu ya u Danggo wow yakhun noh ya ka Election na ka BJP, ya kawa daw chim u yei rai ha kini ki kajiak sngi.
