15 49.0138 8.38624 1 0 4000 1 https://wyrta.com 300 0

Wa man i bneiñ kamni, thut i rukom saam light ka MePDCL : CEO
Ympu ye u tip wa hadooh katwon waje u yoh ka light

0 Comments
Advertisement ad1

Jowai : Hadien wada wan hiar u slap waka lyær iwa da khyndang yaki yung ki sem, ki dieñ ki siej, ki nar post light, da pynbood won i yap ka light nadooh ynne i step ka 17 tarik wei waroh chi sngi da man ko kawa yap.

lyong18

Advertisement ad1
Advertisement ad1

lyong11

Katkam ka yutip wa tikna da ong wa ini i yap ka light toh neidaw wa joor u slap chirup waka lyær iwa da pynthut ya i rukom saam light khamtam yaka Line heh na Khliehriat wana Lechka.

Hei yaklam wa u Chief Executive Officer (CEO) Eastern Circle ka MeECL u M.B. Kurbah da pyntip u wa em i thut ha ka line 132 Kv kawa wan na Shillong kamjooh na Khliehriat.

Katwa da joor i oor wei tkut ki wire ha East Jaiñtia Hills da lai chwa ki ha ka tai ka thaiñ kamwa man ynne da boon ki dieñ waki post light kiwa haap wa oor ha Iongkaluh, East Jaiñtia Hills.

Da ong leh u ma Kurbah wa kiwa kreh waroh em ki ha khloo wow pynbait yei thut ki line wei katkam wa man kattæ dang thut ha u line Mustem-Jowai wei ympu ye u tip wa hadooh katwon waje u ye ki u chna pynbait ya ini iwa thut.

0 Comments

Leave a Reply