Khliehriat: U montri ka chnat Social Welfare Minister, u Kyrmen Shylla ynne da wai paidbah u ya ka yingkieñ hajrong ka wah Kalipai kawa em ha sarok Rymbai Iapmala Suchen Road.
U Kyrmen Shylla hawa e i klam da yooluti u wa kani ka yingkieñ daw pynsuk ko ya i lai i wan ki paidbah wei daw yarap ko leh wow pynpoi ya ki kaam pynroi cha ki paidbah.
Da yaroh u leh ya i kaam wa da leh da ki MLA warim kam u Nehlang Lyngdoh wa u Justin Dkhar wow pyntikna wa i kreh ya kani ka yingkieñ u dep i, deiwa ekhublei leh ya ki tre thaw kiwa da e sñiawbha ya ki thaw yong ki wow chna ya ka.
Ha kani ka sngi da wai leh ya u mooyurim kani ka yingkieñ.
Da wan sakhi leh ya i wai ya kani ka yingkieñ da u Lasky Rymbai, MDC Tuber, Dr. Sanki Shangpung, MDC Bataw, Fineliness Bareh, MDC, Khliehriat wa kiwi kiwi.
Kiwi tawon kiwa da klam toh u F.M Dopth, Deputy Commissioner ka District, u P.R Marwein, Secretary to the Government of Meghalaya PWD wa kiwi kiwi.
Discussion about this post