I sahteiñ i yaklam pynbait pood hapyrdi ka jylla Meghalaya wa Assam neibynta ka wat wa ar da pynman ya ka sorkar Assam wow chim kabu deiwa pteiñ wow kreh yabor ya ki kaam pynroi hachwa wow sdang biang i yaklam.
U President ka HSPDP uwa man leh u dkhot ka Regional Committee pynbait pood ka thaiñ West Khasi Hills, u KP Pangñiang da ong u wa i leh yong ka Assam wow pteiñ i pynkreh ya ki kaam pynroi da booh ko hei eh ya ki paidbah ha khappood.
Hawa pynsñiaw yei sñiawsih yei pynslem yei pynbait ya ki 6 tylli ki thaw wa dang sah ha ka 2nd Phase, da ong u wa hapyrdi i boohteiñ, ka Assam da chim kabu wei ki paidbah da tieñ ki wa ya chah ieh biang khlem da ye wow pynbait.
Da ong u leh wa ha ka 1st Phase kawa da ye u pynbait tangwa em i eh wei i wym biang heini heitai tangwa kiwa boon hi toh iwa da myntoi ki paidbah.
U Pangñiang da ong u wa ka sorkar toh u chimkhia bha ko ya kani ka kaam pynbait pood wei ymtoh wow yang hadooh wow yap bru næ yachoh yadat.
Discussion about this post