Wai ka Roshan Warjri ya ka yingkieñ wa pynyabi ya ka Jaiaw wa ka Mawlai

Shillong: Ka Montri i Chait i Khiah ka jylla ka Roshan Warjri ynne ka sngi da wai ko ya ka yingkieñ Jaiaw Umpohliew kawa pynyabi ya ka Mawlai Phudmuri wa ka Jaiaw hei emlang u MDC ka thaiñ u Adelbert Nongrum, u Chief Engineer, PWD Roads (NH), u M R Sangma, u Waheh Chnong ka Mawlai Phudmuri u S. Kurbah, u Waheh Chnong ka Jaiaw Laitdom u S.B. Kharbangar wa kiwa chong chnong. Ya ka yalang chwa wow wai ya ka yingkieñ wa ya u sarok da pynman ha Pearly Dew School, Jaiaw, Shillong.

Ya ka yingkieñ toh da yoh poisa na ka Special Plan Assistance Scheme ka sorkar pyrdi hei dor wa T. 1.50 Klur katwa ya ka sarok won da yoh poisa na ka Special Plan Fund kamwa T. 58.95 Lak.

Ka Warjri da ong wa ini toh iwa da thrang ki paidbah ka Jaiaw Laitdom wa da slem wei da e khublei ko leh ya ki wa krehlang ki wa ka sorkar yow man ko kawa jop wei da ye u pyndep heipor wa biang.

Da yooluti ko leh wa deiwa em kani ka sarok wa ka yingkeiñ daw pynduna ko leh yei sahkut ki kari wei da kyntu ko leh ya ki paidbah wym hoi u man kini ki thaw wa pynemkaam bakla ki bru ya ki.