Ynne ka sngi u Lat ka jylla, u T. Roy hawa e i klam ha ka dorbar mang tyngka ka sorkar jylla, da ong u wa ka jylla da sakhi ko yei yakhih wa i awri da ki seiñbhalang hajrong ka Citizenship (Amendment) Act, 2019 wa i pynkrehkaam ya ka Inner Line Permit (ILP) hapoh jylla.
Da pyntip u wa ka sorkar jylla dang yaklam ko wa ka sorkar pyrdi wow pynkrehkaam noh ya ka ILP wei wow yada ya ki paidbah ka jylla wei ka sorkar leh sñiawkhia bha ko hajrong i chah dat yonglang ki khynroo ha thaaiñ Syntung wei kam ini i jia daw ktah bha i ya i kaam uiñke suwari hapoh ka jylla.
Da kyntu u neiliang ka sorkar ya waroh wow man ki bru kiwa kiar nei awri awra wei wow wanrah biang yei chongsuk hapoh jylla.
Heiyatoh wa ki dkhot ka HNLC kiwa em kattu katni ha Bangladesh, kiwa sah su hei pynmih khubor (Press Release) donhi ha ki Social Media wei kawa da kwah leh wow yaklam yasuk, neiliang u lat da ong u wa ka sorkar wai ko ya ki dwar wow klam yasuk noh.
Heiyatoh won wa u pood waka Assam, da ong u wa ki thaw wa em i kajia toh kiwa da pait bha hajan wei da yaklam leh waka sorkar Assam yow pynneh kamwa jooh namo ka Status Quo wei da paan tarik leh wow yachem hadien wa kut ka dorbar mang poisa.
Discussion about this post