Mawkyrwat: Ka Executive Committee iong ka Khasi Hills Autonomous District Council (KHADC) da wai tnat kreh (Branch Office) ha Mawkyrwat, South West Khasi Hills District ha ka 30 tarik u September, 2015 heiwa emlang u Rowell Lyngdoh, Deputy Chief Minister ka Meghalaya, ka R. Lyngdoh, Deputy Commissioner, South West Khasi Hills District, u M. Nongrem, Chairman, KHADC, u N. Syiemiong, Syiem ka Hima Maharam wa u J. M. Tynsong, Executive Member, KHADC wa kiwi de kiwa chah khut sniawbha. U P. N. Syiem, Chief Executive Member, KHADC da man u kam u kongsan ha kani ka ialang.
Ha i klam iong Oo u CEM ka KHADC da ong u wa i wai ia kani ka ophis toh iow wanrah ia i kreh ka council cha jan ki chnong ki bru kiwa sah cha jngai na ka sor Shillong. Ong u wa kani ka ophis u wanrah rah ko i myntoi wa boon ia ki paidbah iong ka thain South West Khasi Hills hei iatoh wa ka No Objection Certificate (NOC) wa ka Professional Tax. Ong chooh chooh u wa da toh i por u pynbeit noh ia ka rukom kreh kaam ka sorkar jylla wa ki district council deiwa chna noh da ka Co-ordination Committee yow lait na ki iatyngkhooh kiwa wanrah chibbon ki sniawthooh bakla ha pyrdi ka council wa ka sorkar jylla. Da ban joor u leh yei emkam u pynkup bor ia ki wa peit wa pynklai ia ka synchar ia ki chnong ki thaw iow pynim biang ia ka dustur ka riti ka jait bru.
U Deputy Chief Minister, ma Rowell Lyngdoh da iaroh u ia ka KHADC wa da ye ko u wai ia kani ka tnat krehkam iong ka wei da yooluti u wa daw ye ko u e ite i chakri cha ki paidbah iwa daw pynsuk ia i emkaam iong ki paidbah wa boon jait. Da ong u leh wa da toh i por ia waroh ki paidbah u thap ki ia ki pyrtuit ki district council iow su ia ka Professional Tax kat kam i kreh ki.
Kiwi wa klam ha kani ka sngi toh ka kong R. Lyngdoh, Deputy Commissioner, South West Khasi Hills, u P.T. Sawkmie, Deputy CEM KHADC, M. Nongrem, dkhot, KHADC, u J. M. Tynsong, dkhot KHADC wa u N. Syiemiong Syiem Hima Maharam.
Discussion about this post