Wai u Conrad Sangma ya ka Auditorium wa da chna pynmiat ha Tura kawa T. 5 klur

U Montri Rangbah ka jylla, u Conrad K Sangma ynne da wai u ya ka Renovated and Upgraded District Auditorium, Tura hei emlang ka MP ka Tura Parliamentary Constituency, ka Agatha K Sangma, uwa e buit ya u Montri Rangbah uwa man leh u MLA ka North Tura, u Thomas A Sangma, u Chief Executive Member ka GHADC, u Albinush R Marak wa kiwi kiwi. 

U Conrad da booh u leh ya u mooyurim Construction and Improvement of Tura Town Internal Roads wa yoh yarap poisa na ka New Development Bank (NDB) neibynta wow chna pynmiat ya ki sarok chnong hapoh Tura.

U Conrad hawa e yei klam da e khublei u ya ki sahep wa Contractor wa chna ya ka District Auditorium ha Tura, deiwa pynkynmoo wa kani ka Auditorium toh kawa chna da u pa yong oo, u (T) P A Sangma wei da palat 30 snem ym em wow chna pynmiat ya ka. 

Da ong u wa ha u 2018, da pynlait ya ka poisa wa T. 3 klur wei sa T. 2 klur wow chna pynmiat ya kani ka thaw kawa kam u khynroo da jooh tem jooh put u heini deilang waka kynhun tem yong oo. 

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Chooh chooh da pyntip u wa ki yoh yarap na baar namo ki Externally Aided Projects hapoh ka New Development Bank (NDB) kam ka Tura Smart Town Project da em 277 tylli ki sarok hapoh sor (Internal Road Projects) kiwa da sdang kreh wa kynjoh T. 55 klur wa T. 40-50 klur won daw e na ka sorkar jylla. 

Da pyntip u wa daw e sa T. 50 klur wow chna ya ka Convention Centre kawa man katkam ka juk wa katni (State of the art) hapoh West Garo Hills District kamjooh ka Youth Centre Building ka wow e sikai ya ki khynnah khynroo khyllood. 

Heiyatoh wa i pynmiat dur ya ka Tura da ong u wa kamwa T. 15 klur daw e wei i kreh ya ki Street Lighting Project u sdang ki nadooh u Naichiphaw uni u snem. 

Da kyntu u leh wow bood ya ka nongmuna ki paidbah ka Japan wow sñiawtre wei wow sumaar ya ki thaw wa ki tiar paidbah. 

Kiwi kiwa da klam ha kani ka sngi toh ka Agatha K Sangma, u Thomas A Sangma wa u Deputy Commissioner, West Garo Hills, Tura, u Swapnil Tembe.

Kiwi kiwa da em ha kani ka sngi kynthup ki ya u Additional Chief Engineer, Western Zone, Tura, u Er K K Mawa, District Librarian, Arts and Culture Department, Tura u Lifther Marak wa kiwi kiwi.