Ynne ka sngi u Chief Minister ka jylla, u Conrad Sangma chirup wa u MLA ka Khliehriat, u Kyrmen Shylla da wai ki ya ka Boys Hostel (Phase-1) ka Epatha Society wa em ha Dkhiah West, East Jaiñtia Hills wei ya kani ka Hostel toh kawa da chna lyngba ka DMF 2024-25.
Ka Epatha Society toh ka seiñ kawa kreh monsñiawbha ya i bha i miat ki bru wa man kyrpang ya kawa da sdang nadooh ka 2 tarik u December 2020 heiwa ha uni u snem da dap ko san snem hapoh i yahkhmat u Pator Emlang Supuh.
U Conrad hawa e i klam da phah u ya u Deputy Commissioner wow leh yeiwa emkaam wow chna ya u sarok cha ka Hostel wa ka chnong wei da kular u wow leh yeiwa emkaam khnang wow ye u pyndep noh u chna ya ka Hostel.
Da kular u leh wa ha ka bynta wa ar yong i kreh ha ini i thaw ka sorkar daw kyrchaan ko ya ka seiñ kat iwa emkaam ko neibhah i kaamram ka sorkar wow pyntikna wa yoh ki yei myntoi salonsar kamwa man kiwi.
Chooh chooh da sneiñ u wa ymtoh u sñiaw wa ym em man ryngkat ki kam kiwi ki bru neibhah ki leh em ki i bor wow yakhun ha ki kyrdan ha ka jylla næ ka ri wei emkaam u man kiwa jop khnang wow poi thong ki ha i rta pyrthai yong ki.
Da kular u leh ya ka Society wow e sñiawbha ya ka da ki tiar put tiar tem.
Neiliang u Conrad da pynlait por u leh wow yaklam wa ki bru wa kyrpang ha kani ka sngi.
Ha kani ka sngi da saam leh ya ki tiar cha kiwa man kyrpang hei doh i pran nadooh ki Handicap Friendly Two-Wheeler, ki Wheelchair wa kiwi ya kiwa pynlut poisa na ka DMF.
Da pynkup burom leh ya kiwa embynta wa ka Society nadooh kawa e sñiawbha yei thaw yow chna ya kani ka Hostel wa kiwa man kyrpang kiwa rah naam ha ki bynta waphær waphær.
Discussion about this post