Wai u Conrad ya ka Jackfruit Mission kawa da mang wow pynlut T. 80 klur ha ki san snem wow wan

Shillong: U montri rangbah ka jylla, u Conrad K. Sangma ynne da pyllait u ya ka Draft Policy on Jackfruit Mission ha ka tamasa Jackfruit Festival 2018 wa pynman ha All Saints Hall, Shillong hei emlang u montri ka tnat kaam rep ka jylla u Banteidor Lyngdoh.

Hawa pynlait ya ka Draft Policy, u Conrad da ong u wa u sachram man u u soh uwa miat bha yei doh i pran tangwa ympu ye ware u pynlai yaaw oo.

“I sñiaw i wa emkaam wow chna ya ka kyndon wa ka rukom krehkaam wow pynkylla yeini waroh khamtam hawa pynlai yaaw ya u sachram,” da ong u Conrad.

Da ong u leh wa deiwa em ya ki kyndon wa ki rukom krehkaam hapoh yong ka Jackfruit Mission u man ko kawi na ki programme ka sorkar wow yarap ya ki warep wow pynku ki ya ka yoh ka kot yong ki langba ka khayi pateiñ ha ki thaaiñ nongkyndong.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u “Da em chwa i yei bor wei lada ye i wow yarap ya ki warep kamjooh kiwa seiñ khih daw ye i wow sam yarap ya ki wow pynlai yaaw ya u sachram”.

Da pyntip u leh wa daw sdang noh ya kawi ka tnat sorkar ka wow tip kam ka Directorate for Food Processing hapoh ka jylla yow yarap ya kiwa rep wow song wei wow pynneh ki ya ki mar rep yong ki.

Ya kani ka tamasa Jackfruit Fruit Festival 2018 da pynman da ka Department of Agriculture hajrong ka phang “The Humble Jack – with a large heart” heiwa da pynyoo ya ki mar kiwa da chet wa da chna da u sachram.

U montri ka tnat kaam rep ka jylla, u Banteidor Lyngdoh da ong u wa u sachram em u chiboon ki laad wow pynlai yaaw ya oo wei ka sorkar yaleh ko wow chimkabu ya ki stat wa katni wow yarap ya ki warep.

Da pyntip u leh wa ini iwa dep u montri ka kaam rep ka sroakr pyrdi, da kular u wow yarap poisa ya ka jylla wow chna ya ki thaw wada mang kyrpang neibynta ki warep heiwa da kyntu u ya ki sahep ka tnat Agriculture wow pynemkaam noh ki ya ki stat ka juk katni.

U Additional Chief Secretary, u KN Kumar da ong u wa kani ka tamasa da thmu ko wow wanrah yei mynsien wa kwah wow tip hapyrdi kiwa sah ha ki sor deiwa ong wa 75% na u sachram ha jylla da man u uwa sepai man u snem wei lyngba kani ka Mission ka sorkar thrang ko wow pynemkaam pura ya uni u soh.

Lyngba kani ka Mission ka sorkar daw pynlut ko T. 80 klur ha kini ki san snem wow wan heiwa T. 50 klur toh ka wow e da ka sorkar pyrdi kata kawa tam nawon da ak sorkar jylla.