U Montri Rangbah ka jylla, u Conrad K Sangma ynne da wai u ya ka Laitjem Sub-Centre hei emlang u MLA ka Mawphlang, u Eugene Lyngdoh wa u Chairman ka KHADC, u Lamphrang Blah.
U Conrad K Sangma da ong u wa hadien wa wan ka khlam COVID-19 da sñiawthooh wa emkaam u pynjanai ya i chait i khiah wei da kheiñkor bha ya ki kaam wa yatoh wa ini i bynta.
“Ha i dap 50 snem ka jylla, ka sorkar da pyntikna ko wow pynmiat ya ki thaw sumaar ha waroh kawi ka jylla,” da ong u Conrad. Chooh chooh da ong u wa kani ka Sub-Centre daw e chakri ko ya ki 6 tylli ki chnong wa marjan deiwa ekhublei leh ya ka chnong wa da e mynkna ko yei thaw wow chna ya ka Sub-Centre.
Chooh chooh da ekhublei u ya kiwa kreh haphrang ha i chait i khiah khamtam heipor wa wan ka khlam COVID-19, deiwa pynrap wa ka yakhun ympu kut ko heiwa da ong u wa emkaam wow man kiwa syndong.
Ka Laitjem Sub Centre da chna ya ka hei lut wa T. 25.92 lak ha u snem 2012-2013 hapoh ka National Health Mission. I kreh da pyndep 28-07-2014.
Ya kani ka Sub-Center daw pynku kyrdan noh ya ka kam ka Health & Wellness Center khnang wow ye ko u e i chakri wa rap miat.
