Shillong: U montri rangbah ka jylla, u Conrad K. Sangma ynne da wai u ya ka Orchid Log House waka Canopy Walk wa em ha Mawkasiang, hajan Mawdiangdiang, Shillong.
Ya kani ka thaw da chna lyngba ka Swadesh Darshan yong ka Ministry of Tourism ka sorkar pyrdi, ka wow yarap u riñ ya kiwa uiñke suwari.
Kani ka thaw jngai ko kamwa 20 Km na sor Shillong wei em ko ha ki loom wa kyruiñ cha Mawdiangdiang. Ha kani ka thaw em 20 tylli ki yung dieñ namo ki Log Houses.
Hawa e i klam heipor wa wai ya kani ka thaw, u Conrad da ong u wa katni dang esikai ya ki bru ki wow kreh ha kani ka thaw ka wow krehkaam noh hadien wa kut ka khlam u COVID-19.
Ha kani ka sngi da emlang leh u montri ka chnat i chait i khiah, u A.L. Hek wei da yaklam leh wa ki dkhot ka Golf Club Shillong heiwa kammon u pynmiat ya ka Golf Course.
