Ka jylla Meghalaya toh kawi na ki le tylli ki jylla ka thaaiñ mihsngi kawa da yoh yarap na ka sorkar ka ri Japan wa ka United Nations Development Programme (UNDP) heiwa le tylli ki Civil Hospital wa kynthup ya ka Tura, Nongpoh wa Jowai da yoh ki ya ki thaw pynmih la’ær Oxygen katkam ka Pressure Swing Adsorption (PSA) Technology wa ye u pynmih hadooh 800 litre kani ka la’ær ha ka chi minit.
Ki le jylla kiwa yoh ya kani ka thaw pynmih Oxygen toh ka Meghalaya, Nagaland wa Tripura lyngba ka ri Japan wa UNDP heiwa waroh u ye ki wow pyndap yei emkaam la’ær ha ki 1,300 pyllong.
Ynne ka sngi ha Tura u montri rangbah ka jylla, u Conrad Sangma da e khublei u ya ka UNDP wa ka sorkar Japan wow e yarap hei yakhun ya ka khlam COVID-19.
Da ong u wa i maya lok hapyrdi ka India wa ka Japan dang joor i dei krehlang ki montri rangnahdooh kini ki ar ri.
Da pyntip u wa ynne da wai leh ya ka thaw pynmih la’ær Oxygen ha Nongpoh Civil Hospital da u montri ka chnat i chait i khiah u AL Hek wa ha Jowai MCH Hospital da u MLA ka Jowai, u Wailadmiki Shylla.
