U Montri Rangbah ka jylla, u Conrad K Sangma ynne da booh u ya u mooyurim ka Um Shillong Lummawnei, Umthlong, Mawiong & Block 13 Water Supply Scheme deiwa emlang u Symbood Montri Rangbah, u Prestone Tynsong, u Montri ka chnat PHE, u Renikton Tongkhar, u Commissioner & Secretary ka PHE, u Syed Md Andaleeb Razi wa u MDC ka Mawlai, u Teiborlang Pathaw ha ka yalang wa da pynman ha Mawlai.
U Conrad hawa e yei klam da ong u wa ka Jal Jeevan Mission toh kawa emkaam bha ka kreh ka sorkar India kamjooh ka jylla sorkar Meghalaya. “Ha u 2019 heipor wa sdang ya ka Jal Jeevan Mission ha Meghalaya, da em ko cha tre dooh kiwa yoh umkor heiwa da em du 0.75% tangwa katni ka Meghalaya da man ko kawi na ki jylla wa lehbha dooh wei da pyntikna leh yeini da u Montri ka Jal Shakti.”
U Conrad da pynsñiaw u leh yei sñiawngooh ya waroh ki wakreh ka chnat PHE nadooh kiwa kreh na tre dooh kiwa da kreh khlem chong ngiah. Da khana u leh wa ka jylla da yoh chooh chooh ko ka poisa la ar snem neidaw wa kreh chithom. “Ini da pynyoo hadooh katwon kreh chitom ki bru yong i,” da ong u.
Da pyntip u leh wa ka Meghalaya toh kawi na ki jylla kawa ye wow poi cha ka thong wow pyndep ha u 2024 katkam wa da booh da ka sorkar India. “I da chim i ha i wow pyndep ha u 2022 tangwa da em boon ki moochynthut wei ym ye u pyndep tangwa dapoi 50% ka thong wei kular O ha phi wa daw poi cha ka thong hei por wa da booh da ka sorkar,” da ong u.
Ini i kreh wa da booh mooyuirm ynne dapoi ko T. 95,38,22,518 hapoh ka Jal Jeevan Mission.
