Wai u Conrad ya ka Williamnagar Municipal Office cum Market Complex

U Montri Rangbah ka jylla, u Conrad K. Sangma ynne da wai paidbah u ya ka yung krehkaam wa dang chna thymme yong ka Williamnagar Municipal Office cum Market Complex ha Soil Bazar, Williamnagar, East Garo Hills hei emlang u Montri ka chnat PHE u Marcuise Marak wa u MLA ka Rongjeng u Jim Sangma.

U Conrad hawa e yei klam da ong u wa i dawa yei tei ya ki yung wa ye u krehkaam har rukom toh kiwa da pdiang da ka sorkar wei emkaam leh wow pyndep ya ki hapoh i por wa biang deiwa pynrap wa ka sorkar u yaleh ko wow pynembor ya ka imlang sahlang khnang wow myntoi waroh liang wanang.

Da ong u wa i wai ya ka Williamnagar Municipal Office cum Market Complex, pynyoo ko ya i dak wa kreh ka sorkar wow pynsuk ya ki paidbah khamtam i chna ya ki sarok, ki madan yalehke wa i pynmiatdur ya ka chnong.

Da ong u leh wa i pyndep u chna ya kam kini ki yung daw yarap ko wow pynku ya ka khayi pateiñ yow yarap ya kiwa chong chnong wow im ki deiwa bha wa miat.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da pynbna u leh wow chna pynmiat ya ka Rongrenggre Higher Secondary School, kawi na ki Higher Secondary School warim dooh ha ka District wei wow pyntikna wow pynku ya i stat i tip ki khynnah. 

Da khana u ya ki kreh wa da jan pyndep kiwa kynthup ya ka Williamnagar College wa ka Mini Stadium ha Williamnagar wei da lai pait u leh ya u sarok wa pynyabi ya ka chnong Rangmal Badim wa Chidekgre.

Ha kani ka sngi u Conrad leh da saam u ya ki Digital Learning Aids (M-Tab) cha ki khynnah ka Williamnagar lyngba ka Chief Minister’s Digital Learning Aid for Students Scheme.