U Montri Rangbah ka jylla, u Conrad K Sangma ynne da wai u ya ka ‘Iew Dorbar Shnong Malki’ ha Kharmalki, Shillong hei emlang ka MLA na 16 East Shillong, ka Dr. M Ampareen Lyngdoh wa u MDC, u Fantin J Lakadong kawa da chna hei lut wa T. 14.50 lak.
U Conrad K Sangma da ong u wa kani ka yaw toh kawa emkaam bha heiwa daw yarap ko ya ki paidbah khamtam ha i kamai yong ki heiwa ki 25 tylli ki manyung daw yoh myntoi ki na kani ka yaw.
Da ong wa kani ka yaw daw pynmiat dur ko leh ya ka dong ka chnong deiwa em ki dooid wa da tymmoh wei yei thaw da pynemkaam bha yow lait nei pyntngit ya ka wah wa em chajan deiwa pyntikna wym yohlaad ki bru wow noh jhep. Da kular u leh wa ka sorkar u yaleh ko katwa ye yow wanrah kiwi de ki kaam pynroi hapoh ka dong waka sor hi waroh kawi yow pynku yei khih i khan ki bru.
Da pynchlur u leh ya ka Dorbar Chnong Malki wa ki paidbah wow kreh chirup wow rah ya ka chnong kamjooh ka sor waka jylla chaphrang. Da kyntu u leh ya ki paidbah wow pynmiat ya ka sor Shillong kamwa nachwa heiwa da ong u wa ka sorkar da wanrah ko ya ki Scheme wow pynmiat ya ki chnong ki thaw.
Ha kani ka yalang da ekti leh ya ki chabi cha ki 25 ngut kiwa yoh u chong dukan ha kani ka yaw da u Conrad wa kiwi kiwi.
