Wai u Conrad ya ka yung krehkaam ka Selsella Distribution Sub-Division, MePDCL

Tura: U montri rangbah ka jylla u Conrad K Sangma, ynne ka sngi da wai u ya ka Selsella Distribution Sub-Division ha Multi Facility Centre Building, Selsella hei emlang u Power Minister, James K Sangma, Chief Executive Member, Garo Hills Autonomous District Council, u Dipul R Marak, u Government Chief Whip, Marcuise Marak, Co-Chairman, State Planning Board, Benedic Marak wa kiwi ki heh sorkar.

Ya ka yalang da pynman da ka Meghalaya Power Distribution Corporation Limited, Meghalaya.

Ka Selsella Sub-Division Office ka MePDCL toh kawa da ah naka Phulbari wa Garobadha Sub-Division yow pynbiang i e bordiñ kamjooh wow su ya ka bordiñ. Ka yung krehkaam wa chipor u em ko deilang waka Bharat Nirman Rajiv Gandhi Sewa Kendra Building, Selsella.

U Conrad hei klam yong oo da yaroh u ya u montri wa pait ya kani ka chnat bordiñ ka jylla kamjooh ki sahep wa kiwa kreh ka MeECL yei kreh chitom yong ki wow chakri ya ki paidbah ha i por wa tbian kawa daw yarap ya ki paidbah khamtam wow su ya ka bai bordiñ yow lait noh ki wow lai jngai kamwa nachwa chadooh Phulbari wa cha Garobhada.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh lada ym em man u kam uwa mihkhmat kani ka thaaiñ tangwa sñiaw jan u wa kani ka thaw neibhah sdang u ya ki kaam Politics na kani ka thaaiñ wei u yaleh u katwa ye yow wanrah ya ka roi ka paar.

Heijooh i por da ong u leh wow kreh wow pynku ya ka kaam puræ puthi wa ka chait ka khiah ha kani ka thaaiñ.

Neiliang u Power Minister, u James K Sangma da ong u wa ka bordiñ toh kawa emkaam dooh ha ka pyrthai wa katni wei da mih boon ki ujor wa tkut ki sainar bordiñ kamjooh i sih ki Transfirner wei manda yoh ya ka yungkrehkaam wa pura ha kani ka thaaiñ daw wiar lut kini waroh.

Kiwi de kiwa klam ha kani ka sngi toh u Chief Executive Member, Garo Hills Autonomous District Council, u Dipul R Marak, Chairman cum Managing Director, MeECL, Meghalaya Shillong, E Nongrum, Chief Engineer Distribution, MePDCL, Meghalaya Shillong B R Chen. 

Da emlang leh u Director, Distribution MePDCL, S Diengdoh, Director, Corporate Affairs, MePTCL, C Kharkrang, Deputy Commissioner, West Garo Hills, Ram Singh, Superintendent of Police, West Garo Hills,  Dr M G R Kumar, Block Development Officer, Jude R T Sangma, District Medical and Health Officer, Tura Dr. M Sangma, ki sahep ka MeECL, Nokma wa ki paidbah kani ka thaaiñ.