Wai u Conrad ya ki kamra thymme ka Ri Bhoi Synod College kiwa chna hei lut wa palat Rs. 26 lak

U Chief Minister ka jylla, u Conrad K. Sangma ynne da wai u ya ki Classroom thymme ka Ri Bhoi Synod College, Umsaitsning ya kiwa da chna lyngba ka Chief Minister’s Special Development Fund (CMSDF) ha i lut wa Rs. 26,72,000.

Ka Ri Bhoi Synod College toh kawa da sdang ha u 2017, wei da man ko kam kawi na ki thaw puræ wa da ku bha ha ka thaaiñ Umsning wa Ri Bhoi District.

Ha kani ka sngi da emlang u Montri ka sorkar jylla, u Sosthenes Sohtun, ki MLA u Dr. Celestine Lyngdoh, u Mayral Born Syiem, u Damanbait Lamare wa u Charles Marngar, kamjooh u Pastor Precius Timung uwa man u Principal ka College wa kiwi kiwi.

U Conrad hawa e yei klam da yaroh u ya kiwa embynta wow sdang ya kani ka College kawa man kawi na ki thaw wa emkaam bha ha ka thaaiñ Umsning wa ka District leh kamjooh.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Da kular u leh i yarap na ka sorkar wow pynjanai yei man i long ka College nadooh ki kamra wa kiwi kiwi kiwa emkaam ko.

Ha kani ka sngi ki bor pynlai ka College da e ki leh ya ka dorkhat wow chna ya ka Auditorium Hall, yeiwa u Conrad da kular u wow e yarap kamjooh leh ki tiar put tiar tem leh kamjooh. 

Kiwi kiwa da klam ha kani ka sngi toh u Sosthenes Sohtun, u Dr. Celestine Lyngdoh kiwa da yaroh ya u Conrad uwa da yahkhmat ya ka jylla wow ku bha hei puræ puthi, i yabi ki sarok, ki luti syngkieñ wa kamjooh i chait i khiah.