Wai u Conrad ya ki sarok wa ki yingkieñ kiwa chna hapoh ka PMGSY Scheme

U Montri Rangbah ka jylla, u Conrad K Sangma ynne ka sngi da lai wai u ya ar tylli ki sarok wa ar tylli ki yingkieñ ha East Garo Hills wa kynthup ya ka sarok L051-Nengmandalgre cha Daribokgre (Mandalgre) kawa jrong 35 Km, ka sarok L042 Cherangre- Sisobibra (na Nengmandalgre cha Gitokgre) kawa jrong 7.820 Km, ka yingkieñ wa jrong 51.68 Metre kawa lai najrong ka wah Rongon wa sa kawi kawa jrong 51.68 Metre hi kawa em ha ka wah Rongre.

Kini ki sarok nachwa toh ki sarok khyndaw kiwa hoi u pynemkaam du ha ki por wa rang tangwa heipor slap da chem chitom bha ki bru iwa da ktah yei kamai kajih yong ki.

Ya ka yalang da pynman ha madan Nengmandalgre deiwa emlang u Symbood Montri Rangbah, u Prestone Tynsong, u Montri uwa man leh kam u MLA ka thaaiñ, u Marcuise N Marak deilang waka Agatha K Sangma, MP.

U Conrad hawa e yei klam da ong u wa kini ki sarok wa da wai toh kiwa emkaam bha neibynta i roi i paar kani ka thaaiñ neibhah khlem ki sarok i roi i paar leh ym wan i. Da e khublei u leh yaka MP kawa da pynyoh ya kini ki sarok hapoh ka PMGSY Scheme ka sorkar pyrdi deiwa ong wa ka Meghalaya toh kawi na ki jylla wa lehbha wow pynkrehkaam ya kani ka Scheme.

Related posts

Pyndam ka Rajasthan ya 9 tylli ki District thymme wa chna da ka sorkar warim

December 28, 2024

Rai kiwa kyrchaan ka BJP na Malki-Laitumkhrah wow pynyieñ da u Kynsaibor Lyngdoh kam u kyrtong MDC

December 28, 2024

Da ong u wa hapoh ka jylla da booh 5 tylli ki thong kitæ wow pynyoh sarok cha waroh, ka bordiñ, ki yung sah, u pyntip deiwa biang wei wow pynyoh umkor cha waroh kiwa toh u ye u poi thong ha kini ki snem wow wan.

Da pyntip u leh wa neibynta u 2023-2024 hapoh ka PMAY da pynlait Rs. 1600 klur yow chna ya 1500 tylli ki yung wei da e khublei u ya ka MP kawa da yarap pynyoh yeini wei da pynche u leh chaphang ki laad seiñ khih wa da sdang da ka sorkar neibynta ki khynroo.

Neiliang u Prestone Tynsong da pyntip u wa hapoh ka PMGSY daw chna 1200 Km u sarok ha kylleiñ ka jylla kamtæ da khut u yei krehlang ki bor chnong yow pynyoh thaw yow chna ya kini ki sarok yow myntoi ki paidbah ka jylla.

Ka poisa wa da pynlut yow chna ya ka yingkieñ ha wah Rongre wa u sarok na Jakopgre cha Nengmandalgre dapoi ko Rs. 176.969 lak katwa ya ka yingkieñ ha ka wah Rongon wa u sarok Jakopgre cha Nengmandal da lut Rs. 151.140 lak.