U Montri Rangbah ka jylla, u Conrad Sangma ynne da wai u ya ka Prime Hub Umdihar waka Pineapple Processing Unit wa em ha Umdihar hi hapoh ka Ri-Bhoi District deiwa emlang u Dr. Celestine Lyngdoh, MLA waka Macdaline Mawlong, MDC.
U Conrad da ong u wa i yarap ya kiwa seiñ khih wei wow chdooh kti ki ha kiwa boon ki bynta yow ye ki u ku wei wow kamai toh iwa emkaam yow ye ki u yoh chooh chooh na iwa joh yoh ki nachwa deiwa ong wa kiwa seiñ khih mut nadooh kiwa em dukan ha ki dong ki chnat.
Da klam u leh yei emkaam i em ki Integrated Village Cooperative Society (IVCS) kiwa pynchlur yei seiñ khih wei wow e kyrchaan ki leh ya kiwa seiñ khih kiwa em hapoh ka chnong ka thaw.
Da ong u leh wa ka Prime Hub man ko ka rynsan wow e yarap, u e sikai, u e kyrchaan poisa, u e yarap u pynlai yaaw ya ki mar ki mata, kamtæ da ong u wa da sdang ya ka Chief Minister’s E-Championship Challenge Program toh yow pynchlur ya kitu kiwa em buit yow seiñ khih wei ki Top 100 kiwa chah jied daw yoh yarap ki da ka poisa yow pynman kaam yei buit ki wei da ya krehkaam leh wa ka IIM Kolkata neibynta ini.
Heiyatoh waka Umdihar da ong u wa em ko hei thaw wa miat bha kawa jan leh cha ki Railway Station yow ye u pynlai yaaw ya ki mar kiwa hadooh katni dang chem chitom.
Discussion about this post