Ampati: U Montri Rangbah ka jylla u Dr. Mukul Sangma ynnin ka sngi da wai paidbah u ya ka Ampati Civil Hospital ha Ampati, South West Garo Hills deiwa ong “E wa kani ka thaw sumaar thaw pynkhiah u man ko ka wow wanrah yei bha i miat ya kani ka thaiñ.”
Ya u moo-yurim wow chna ya kani ka hospital da booh da u Montri Rangbah hi ha u Naisan 2012 wei da pyndep chna ya ka ha u snem 2016.
Hei klam u Dr. Mukul da ong u wa toh sakhiat wa duna ym du ki thaw sumaar tangwa kamjooh leh ki Doctor hapoh ka jylla hanlada boon kiwa kwah u lai puræ doctor tangwa neidaw wym em ki thaw puræ hapoh ka jylla da ktah ko ya ini. Heijooh i por leh da ong u wa deiwa sdang ya ki Medical College hapoh ka jylla waroh ini daw kylla i.
Da ong u leh iwa ktah bha toh wym yoh thaw ka sorkar wow chna ya kiwa boon kiwa emkaam wow wanrah ya ki kaam pynroi, kamtæ da pynsñiaw u yei sñiawngooh ya u Nokma wa kiwa chong chnong ka Banduraja A’king ha Ampati wa e thaw ki mynkna yow chna ya kani ka Hospital.
U Montri Rangbah da pynkynmoo u leh yeiwa emkaam u leh ya ki Check Up na ki por cha ki por wei ka sorkar leh dang lai ko cha khmat dei thong wow yada nei kjut bar wow pynlut poisa u sumaar hadooh wow pynman noh kam ka hukum wa waroh ki sahep sorkar haap lai leh ki ya ka Medical Check Up khlem dam.
Kiwi de kiwa klam ha kani ka sngi toh u Deputy Commissioner in-charge Ampati, H.D.B. Sangma wa u District Medical & Health Officer, Dr. Khona A. Sangma.
Ha kani ka sngi u Montri Rangbah da booh moo-yurim u wow chna ya ka Integrated Housing Complex ha Bolsalgre, Ampati wei da sdang u leh ya ka e-Services hapoh ka District yow pynyoh Certificates.
Discussion about this post