Wai u Dr. Mukul ya ka Hostel ki chynrang wa T. 1.29 Klur ha Tura

Tura: U Montri Rangbah ka jylla u Dr. Mukul Sangma da ban joor u wa emkaam u sñiawthooh yeiwa emkaam ki khynroo ki khyllood wei ka sorkar waroh iwa sdang ko neibynta yong ki toh hajrong kani ka yurim.

U Dr. Mukul da ong u ya ini heipor wa wai u ya ka Windham Tribal Boys’ Hostel wa em ha Harding Theological College Campus ha Edenbari wa em hajan i Tura ynne ka sngi.

Kani ka hostel toh kawa heh i thaw kamwa 2500 Sq.Ft. wei da chna hei dor T. 1.29 klur heiwa T. 39 lak toh kawa da e u Montri Rangbah lyngba ka CMRDF katwa T. 90 lak da e da ka Union Ministry of Tribal Affairs. Ya i pyrtuid kani ka Hostel da e hei pyrtuid u Milton Windham uwa sah nyngkong ha Edenbari iwa mut ka kpær Eden.

U Mukul hei klam yong oo da pdiang u wa ki Hostel wa pyllai da ka sorkar ym jooh krehkaam ki, kamtæ deiwa krehkaam wa ki seiñ wa kreh wow kyntu ya ki chynrang daw yoh myntoi chiboon na ki wow yah luti ya ki.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025