Shillong: U Montri Rangbah ka jylla u Dr. Mukul M Sangma ynne ka sngi da wai u ya ka Mawpat C&RD Block ha Mawpat hei emlang u Minister, C&RD, Sniawbhalang Dhar, u MLA ka Nongthymmai u Dr. Jemino Mawthoh wa kiwi kiwi de.
U Dr. Mukul hei klam yong oo da pynsñiaw u yei sñiawkmen yong oo yei pynkha ya ka Mawpat C&RD Block wei da ong u leh ka sorkar thooh laad ko wow sumaar sukhær ya kiwa ym em wa yarap ya ki kiwa emkaam wow chdooh kti ya ki wow pynwiar yei lai chilliang ki kaam pynroi pynpaar hapoh ka jylla.
Da ong u leh ki Community and Rural Development Blocks toh i thaw saam ya ki scheme sorkar wei i pynmih thymme ya kini ki Block toh yow pynjan ya ki thaw kreh sorkar cha ki paidbah yow lait ki u wan hiar cha Shillong.
Chooh chooh da ong u wa manda yoh ki paidbah yei hok yong ki daw wanrah ko leh yei chong suk chong saiñ wei man ko leh iwa suk ya ka sorkar wow wanrah ko ya ki kaam wow kynrong ya ka imlang sahlang. Kamjooh leh emkaam wow pait yeiwa thrang ki khynroo khyllood yow ye u wai ya ki laad puræ puthi kamjooh leh i yoh khih yoh khan yong ki.
Ka Mawpat C&RD Block toh ka Block wa 45 hapoh ka jylla wei da mih ko naka Mylliem C&RD Block. Yei thaw wow chna ya ka yungkrehkaam da e mynkna da ka Mawpat Pyllun.
Discussion about this post