Wai u Dr. Mukul ya ka yung thymme ka Seiñ Jaiñtia wa T. 1.54 Klur

Shillong: U Montri Rangbah ka jylla u Dr. Mukul M Sangma ynne da wai pynemwarom u ya ka yung thymme ka Seiñ Jaiñtia ha U Tirot Singh Road, Qualapatty hei emlang u Member of Parliament, Vincent H Pala kam u symbood kongsan.

Hawa e i klam ha kani ka sngi u Dr. Mukul da pynsñiaw u yei mynsien wa kmen wa da ye u wai ya kani ka yung wei da ong u wa kani toh u man ko kawa sñiaw sarong ya ka Seiñ Jaiñtia kawa da e i chakri cha ki paidbah liang wanang heiwa ka sorkar leh da embynta ko ha kini ki kaam yong ka seiñ.

Da kyntu u leh ya ka Seiñ wow pynim wei wow sdang biang ya ki lehke drama wa ha rukom kamwa da jooh leh ki ha ki por nachwa neibhah kini kiyi kiyi yarap ki u wanrah i kylla ha u bru kamjooh leh ka imlang sahlang.

U Dr. Sangma da kyntu u leh ya ka seiñ wow pteiñ ki ya ki kaam wa bha yong ka deiwa elaad ya ki khynroo khyllood wow pynyoo ki ya ka sap yong ki wei wow kreh neibynta i hok wa ya ka thong yong ka seiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U President, ka Seiñ Jaiñtia, u Toki Blah hei klam pdiang burom da pyntip u wa ya ka Seiñ Jaiñtia da sdang nadooh u snem 1947 heiwa da chakri ko chiboon ya ka imlang sahlang. Da ong u leh wa ha kani ka yung em ar tylli ki skur, kawi toh hei sngi katwa kawi won hei step neibynta ki khynnah wa wan na ki manyung wa dooh.

Ya kani ka yung thymme da chna hei lut kamwa T. 1.54 Klur deiwa yoh yarap poisa na ka sorkar.

Kiwi kiwa da klam ha kani ka sngi toh u Member of Parliament, Vincent H Pala wa u G.S. Massar, Chairman, Seiñ Jaiñtia Trust.

Ha kani ka sngi da em leh u Minister, Sports & Youth Affairs, Excise etc. u Zenith M Sangma, MLA, West Shillong, u Paul Lyngdoh, MLA ka Pynthorumkhrah, A.L. Hek wa u MLA ka Mawryngkneng, David Nongrum.