Yaroh ki dkhot ka Screening Board ya ka Film Pnar wa thymme ka ‘Thong Iong Nga’

Jowai: Ka Film Pnar kawa thymme wa tip kam ka ‘Thong Iong Nga’ kawa pynmih da ka Eva-Yan Pictures Production, ynne ka sngi da yoh ko ya ka ya Censorship Certificate na Central Board of Film Certification (CBFC) Guwahati.

Ya kani ka Film da Pynmih (Produce) da u Pynlumlang Ksoo, u Emiki Biam wa u Youberth Siangshai. Ya ka parom da thoh da ka Simi Khongtiang.

Kani ka Film u man ko ka Film wa nyngkong wa mih na ri-loom Khasi wa Jaiñtia wa man kam ka Musical Film.

Kiwa chimbynta kam ki Actor toh u Pyllaitmitre Lipon (Sam), ka Regina Lamo, u Goldenstar Suchiang  (Bahduh), u Dame Yoki Dkhar , u Goldbertstar Lakiang wa u Emidao Shylla.

Related posts

Deilang ka Fete, ka Housie ha ka sngi Final ka 10th Football Knockout Tournament 2026 ka Rymbai Pampyrthad Sport Club

July 5, 2026

Yoh ka Reble yei naam Icon of the Year ha ka Hello Meghalaya Music Awards

June 21, 2026

Neiliang ki dkhot ka Screening Board wa chong bichaar ya kani ka Film ynne ka sngi da yaroh ki ya ka parom yong kani ka Film.

Ya ka tarik wow pynmih paidbah ympu em u pyntip neibhah da em chwa le tylli ki Film hakhmat kani kiwa da yoh CBFC Certificate kamjooh leh dang yang ya ka rai ka sorkar hajrong ka 48% wow pynyoo hapoh ki Cinema Hall.