Wai u Dr. Mukul ya ka yungskur wa thymme ka Pomlum Secondary School

Shillong: U Dr. Mukul M Sangma, ynnin ka sngi da wai u ya ka yungskur thymme ka Pomlum Secondary School kawa da chna hapoh ka Human Capital Development Programme lyngba ka Asian Development Bank (ADB) hei emlang u montri ka Urban Affairs u R.V. Lyngdoh uwa man kam u symbood kongsan.

U Dr. Mukul da pynsñiaw u yei mynsien wa kmen wa da yoh u wai ya kani ka yung skur chwa i por wa da booh, deiwa yooluti wa u man ko ka skur ka wow e i chakri wa pura cha ki khynnah ka thaiñ ha ki snem wow wan.

U Dr. Mukul da pyntip u wa ka Mylliem Block chwa wow phiah ya ka, man ko ka Block kawa heh dooh hapoh jylla wei ka sorkar da wanrah ko chiboon ki kaam pynroi hapoh yong ka, tangwa neidaw wa heh ware ko, wow pynkrehkaam ya kini ki kaam leh man i iwa eh bha.

Chooh chooh da ong u wa kani ka Human Capital Development programme toh kawa da thmu wow kyntu kynrong ya ka puræ puthi khamtam kiwa yarap u ekhih e kreh ya kiwa boon.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka yalang da puræ leh ya ka hukum namo ka Government Notification neibynta ka Mylliem C & RD Block wa da puræ da u BDO u yong ka u PT Passah heiwa da wai pynemwarom leh ya u moo-yurim wa em ya u pood u ang wa thymme yong kani ka Block.

Kiwi kiwa da klam ha kani ka sngi toh u RV Lyngdoh, u Syiem ka Hima Mylliem, wa kiwi kiwi.