15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Wai u ma Sniaw ya ka yung Bharat Nirman Rajiv Gandhi Seva Kendra ha Namdong B

0 Comments
Advertisement ad1
Advertisement ad1

Jowai : U Montri ka C&RD ka sorkar jylla u ma Sñiawbhalang Dhar uwa man leh u MLA ka thaiñ haka 19 tarik da wai paidbah u ya ka yung hall kawa tip kam ka Bharat Nirman Rajiv Gandhi Seva Kendra (BNRGSK) ha Namdong B kawa haap hapoh ka Thadlaskeiñ C&RD Block West Jaiñtia Hills District.

Ya kani ka yung da chna hei lut kamwa T.10 lak kawa haap hapoh ka skhim 100 sngi næ ka Mahatma Gandhi National Rural Employment Guarantee Scheme (MGNREGS) yong u snem 2014-15, kawa da pynkreh da ka Village Employment Council (VEC) jong kani ka chnong nadooh ka 17 Duyatra 2014 wei da pyndep haka 05 Naiynru 15.

Ka Block Development Officer (BDO) Thadlaskeiñ ka kong B.Blah, hawa klam ha kani ka sngi da batai ko yei thmu wow chna ya kani ka yung wei da batai ko leh ya ki scheme sorkar waphær waphær.

gannir

Ya kani ka yung da chna ha Iaw Namdong lyngba i mynjur lang ka Raij Namdong ryngkat ka Managing Committee yong kani ka Iaw.

Hapoh ka Raij Namdong em 12 tylli ki chnong, tangwa na kitai du 2 tylli ki chnong wa kynthup yaka Khonsaro wa ka Namdong B kiwa pynkreh hok ya ka scheme 100 sngi hapoh ka Raij da ong u Secretary ka Raij Namdong u ma I. Pakma.

gannir1

Kam u kongsan u ma Sñiawbhalang Dhar da pynsñiaw u yei diaw mynsien neibhah boonsien ki wa chong chnong pyrkhat ki wa kani toh ka schrme sorkar ym emkaam u sumaar ya ka tangwa ini i rukom pyrkhat man i iwa bakla. Da kyntu u ya ki paidbah wow sñiawtre ki ya kani ka yung deiwa sumaar ya ka.

Ha kani ka sngi da yoh da yoh yei klam na u Waheh Chnong u ma A. Sumer, na u Secretary Chnong u ma S. Lipon wa  kiwi kiwi.

Share this:
Previous

Ka parom na Jowai chaphang i wym kreh de ki poisa heh ha u snem 1978

Next

Da kynmoo warom ya ka World Fisheries Day da ki kaam wa sakhiat