15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Ka parom na Jowai chaphang i wym kreh de ki poisa heh ha u snem 1978

0 Comments
Advertisement ad1

Jowai : Ha u snem 1978 ka ri India da rai ko wow pyndam noh ya ki poisa (demonetization) wa heh dor kam ka T. 1000, T. 5,000 wa ka T. 10,000. Ka poisa T. 10,000 kawa heh dooh wa pynmih ka RBI hadooh katni. Yeini i demonetization da leh ka sorkar u Morarji Desai kawa yah khmat ka Janata Party.

Heitu i por kini ki poisa heh dor toh duna bha ki bru hapoh ka ri wa em ya ki, ymtoh kamwa man kattæ wa ki kot T. 500 wa T. 10,00 da em ya ki da kamwa 86 % ki paidbah.

U Nurul Islam Lashkar heitu i por dang em u 27 snem i rta wei da kreh u kam u ‘special secretary to the Chief Regional Manager ka State Bank of India’ wa em ha Shillong. Da khana u wa hadien wa pyndam ka sorkar ya kini ki poisa wa heh dor, syndet syndet da phah ya oo wow lai u cha Jowai yow yarap ya ka SBI Jowai Branch wa neidaw wa boon wan ki bru cha ka bank yow kylliang ya ki poisa T. 1,000, T. 5,000  wa T. 10,000 wei kiwi de kiwa kreh ha Shillong da phah ya ki cha Kohima wa Imphal yei jooh i daw.

5000

Katkam ka Section 10(26) yong ka aiñ Income Tax Act, ki dkhot ka Scheduled Tribe wa im wa sah hapoh ki thaw wa haap hapoh ka Sixth Schedule kiwa em leh ya ki Autonomous Council, Territorial Council wa kiwi kiwi kam ha Dima Hasao, Karbi Anglong and Bodoland Territorial Area District ha Assam, ki Khasi, Jaiñtia wa Garo hapoh Meghalaya wa ki jylla Arunachal Pradesh, Manipur, Mizoram, Nagaland wa Tripura, ym haap ki u su ya ka Income Tax ya ka poisa wa pynmih napoh ki thaw wa dep kdaw haneiñ.

Ha ki tai ki por du kiwa mahajon na kiwa mahajon wa em ya ki kot poisa T. 1,000 chaneiñ wei boon ki bru ym jooh em yoo ki ya kini ki poisa. Kamtæ kiwa kreh ha ki bank da phylla ki wa neiwon mih kini ki poisa syad syndet syndet.

Hadien chem wa em ki mahajon na baar jylla kiwa haap u su Income Tax kiwa sah ha ki thaaiñ Northeast kamjooh leh kiwa sah cha kiwi ki thaw hapoh ka ri deiwa tipmit ki wa ki piadbah wa em cha i da phah ki ya ka poisa heh dor cha ki bru wa em ha Jowai wa kiwi kiwi ki thaw deiwa kular wow e poisa ya ki lada bien ki u thap ya ka poisa yong ki ha ki bank account ki.

Kamtæ boon ki thaw wa em cha i da man ko kam ka thaw wow pyllai ya ka Black Money ka poisa wa murieh ki mahajon na ka sorkar India.

Hadien leh da chem wa iwi na i daw wa pynman ya ka sorkar wow pyndam ya ki poisa wa heh dor wa suba ka sorkar wa boon ki mahajon da pynemkaam ki ya bru wym haap su dan (tax) yow murieh ya ka poisa yong ki ha ki bank account yong ki.

U Lashkar leh ong u wa ini ye i u jia biang ha kani ka kynti wei daw em biang ki bru wow chim kabu kam ha u snem 1978.

Ka sien wa nynkong wa ka ri India leh ko ya ka demonization toh ha u January 1946.

Advertisement ad1

0 Comments

Leave a Reply