U Prime Minister ka ri, u Narendra Modi ynne da booh mooyurim u ya kiwa boon ki kreh ha ka jylla Karnataka wei da wai u leh ya ka Bengaluru-Mysuru Expressway wei da booh mooyurim u leh ya ka Mysuru-Kushalnagar 4-Lane Highway.
U Modi hawa e yei klam da ong u wa da em itæ i angnood wa i chongchit khamtam na ki khynroo neibynta kani ka Bengaluru-Mysuru Expressway wei da man ko leh ka sarong ya ka ri wow yoh ya kam kani ka sarok kawa miat wa kor bha. Da ong u leh wa deiwa wai ya kani ka Expressway daw pynduna ko yei por da chiteiñ hawa lai na Mysuru cha Bengaluru.
Heiyatoh won waka Mysuru-Kushalnagar 4-Lane Highway da ong u wa kani toh katkam ka ‘Sabka Vikas’ wei kawa daw wai luti ko ya ka roi ka paar wei da e khublei u leh ya ka Karnataka ya kini ki kreh wa da yoh ko.
Da e nongmuna u yei yoh yarap na kani ka Bengaluru-Mysuru Expressway kawa lai na ki chnong wa bna naam kam ka Ramnagar wa Mandya wei ini daw pynku ko ya ki kaam uiñke suwari neibhah yoh ki bru wow lai chei thaw kha ya ka Maa Kaveri.
Uni u Bengaluru-Mysuru Expressway toh uwa da chna kam u 6-Lane na Bengaluru-Nidaghatta-Mysuru ha ki bynta ka NH-275. Uni u sarok toh uwa jrong 118 Km wei da chna hei lut wa T. 8480 klur.
Deiwa pynemkaam ya uni u sarok na Bengaluru cha Mysuru daw chimpor noh du 75 minit heithaw 3 kynta nachwa.
U Mysuru-Kushalnagar 4-Lane Highway uwa dang booh mooyurim toh uwa jrong palat 92 Km, wei u lut T. 4130 klur yow chna ya uni u sarok wei manda dep u chna ya oo, daw chimpor du 2.5 kynta iwa katni da chimpor 5 kynta yow lai na Kushalnagar cha Bengaluru.
