Wai u Modi ya ka Kushinagar Airport yow yarap ya kiwa uiñke suwari wa yatoh wa u Buddha

U Prime Minister, Narendra Modi ynne ka sngi da wai u ya ka Kushinagar International Airport deiwa wan ka lieñsuiñ wa nyngkong na Colombo, Sri Lanka deiwa em 123 ngut kiwa chah khut sñiawbha, ki Buddhist Monk wa kiwa bood yong ki.

Kani ka Airport toh kawa em ha Uttar Pradesh wei u man ko kam chibynta wow pynyajan ya ki thaw niam wa yatoh waka Buddhism, ki thaw warim wa jah kiwa yatoh wa u Buddha kamjooh yow pynsuk ya ki para wa ngait niam kamjooh yow pynsuk ya kiwa uiñke suwari.

Ka sorkar da leh ko ya ini neibhah ka India toh kawa mahajon bha ya ki parom wa yatoh wa u Buddha wei ki bru na kylleiñ ka pyrthai da wan ki cha ki thaw wa yatoh wa u Buddha kamtæ ya ini toh iwa ye u chim kabu yow taan ya kiwa boon kiwa bood ya u Buddha yow wan ki cha kini ki thaw.

Ka Kushinagar man ko leh kam kawi na ki thaw wa kiwa bood u Buddha da wan ki wow mane heiwa u Buddha yoh u yei che, i chemphang namo ka Mahaparinirvana ha Kushinagar. Ha Kushinagar em leh ka Mahaparinirvana Temple- kawi na kiwa kyntang dooh ki thaw yong ki Buddhist, ka Rambhar Stupa, ka Kushinagar Museum, ka Sun Temple, ka Nirvana Stupa, ka Matha Kuar Shrine, ka Watt Thai Temple, ka Chinese Temple waka Japanese Temple.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

U Prime Minister hei klam yong oo da ong u wa ki kaam uiñke suwari lada lai neibynta ka niam, ki lai sñiawbha, waroh emkaam wow biang nadooh ka rel, ki sarok, ki lieñsuiñ, ki lieñ ki jhaad, ki Hotel, ki Hospital, ka Internet, i khooid i jngiar, ki dooid wa kiwi de yow pyntikna wa waroh ki thaw man ki kiwa khooid wei kiwa emlut waroh iwa emkaam katkam ka juk wa katni.

Da pyntip u leh wa hapoh ka UDAN Scheme, da dep wow mynjur 900 tylli ki luti lieñsuiñ ha kini ki snem wa da dep, heiwa na kini da sdang pynemkaam ya palat 350 tylli wei palat 50 tylli ki Airport thymme lane ki wym em de pynemkaam nachwa da sdang pynemkaam biang ya ki.

Chooh chooh da ong u wa ha Uttar Pradesh da em chwa 8 tylli ki Airport kiwa da krehkaam chwa chwa ka Kushinagar Airport wei da sdang leh i kreh ha Jewar International Airport hadien ka Lucknow, Varanasi wa Kushinagar. Da em leh  i kreh katni ha Ayodhya, Aligarh, Azamgarh, Chitrakoot, Moradabad wa Shravasti.