theme-sticky-logo-alt
theme-logo-alt

Wai u Modi ya u motdur u Hanuman wa jrong 108 ft

Kam chibynta ka Hanuman Jayanti, u Prime Minister, Narendra Modi da wai u ya u motdur wa jrong 108 ft u Hanuman ha Morbi, Gujarat ya iwa da leh u lyngba ka Video Conferencing.

Hawa e khublei Hanuman Jayanti, u Prime Minister da ong u wa uni u motdur toh neibynta kiwa bood ya Hanuman ha waroh kawi ka pyrthai. Da pynsñiaw u leh yei sñiawkmen wa yoh u ya embynta lang ha ini wadep wa kiwa boon ki bru wa yahkhmat niam kam ka Uniya Maa, Mata Amba Ji wa Annapurna ji Dham wei ini da ong u toh i burom u blai namo ka ‘Hari Kripa’.

U Modi da ong u wa i thmu toh wow booh soo tylli kam kini ki jait motdur ha soo tylli ki kdong ka ri kam chibynta ka ‘Ek Bharat Shresth Bharat’. Da ong u wa u Hanuman toh uwa pynyatylli yei mynsien manbru wei e mynsien u leh ya ki bru. Wei u Hanuman man u kam i dak yong i bor yong kiwa im hapoh ki khloo.

U Prime Minister da klam u leh chaphang ka Ram Katha kawa da pynman ha kylleiñ ka ri ha kiwa boon ki dong ha jar jiar i ktien yow pynyatylli yow chakri ya u blai.

Uni u motdur wa da wai ynne ka sngi toh uwa ar na ki soo tylli kiwa daw chna hapoh ka ri kam chibynta ka #Hanumanji4dham Project. Uni uwa katni toh uwa em ha ka Ashram u Param Pujya Bapu Keshvanand ha Morbi ha i bynta mihsngi ka ri.

Uwa nyngkong toh uwa da booh cha khlieh ka ri ha Shimla ha 2010 katwa i kreh ya uwa em cha tre ka ri da sdang ha Rameswaram, Tamil Nadu.

Share this:
Previous

Wiar uwi u ksaw, paan yarap ki tre yow chem biang

Next

La 3 sngi ym em kiwa dang yoh COVID-19 ha Meghalaya