Tura : U Chief Minister ka jylla u Dr. Mukul Sangma ynne ka sngi da wai u ya ka Chokpot Civil Sub-Division ha ka yalang wa pynman ha Warima Playground, Chokpot ha South Garo Hills District.
U Mukul da wai u leh ya u moo sahkynmoo ka yaaw kiwa rep ha Chokpot wei da pyllait paidbah u leh ya ki ‘Solar Lamps’ ki charak wa pynemkaam da i bor ka sngi kiwa da saam leh cha ki khynnah wa puræ Class IX wa Class X.
Da saam u leh ya ki Cheque cha kiwa rep dieñ Agra wa kiwa rep siej.
Na ki 4 tylli ki Civil Sub-Division wa da pynbna thymme da ka sorkar, ka Chokpot toh kawa ar wa da wai ha uni u bnai. Hapoh kani ka Sub-Division u em 307 tylli ki chnong wa kynthup ya 40,485 kiwa chong chnong.
Hapoh kani ka Sub-Division da em ka wi ka C&RD Block, ka wi ka Police Station, ka wi ka CHC, ka wi ka PHC wa 5 tylli ki Health Sub-Center.
Discussion about this post