Tura: Kam wow pynhun yei thrang ki paaid ka Raksamgre-Tikrikilla ka West Garo Hills District, u Dr. Mukul Sangma ynnin ka 24 tarik da wai u ya ka Raksamgre Civil Sub-Division ha ka yalang wa pynman ha madan Raksamgre heiwa da wan sakhi da palat 5000 ngut ki bru.
Ha kani ka sngi da em ki rwai ki chaad na ki jait bru waphær waphær kani ka district kam ki Garo, Rabha, Hajong, Boro wa ki Gorkhali.
U Mukul hei klam yong oo da ong u wa kani ka Sub-Division thymme toh neibynta ki paidbah yow wanrah ya i roi i paar ha waroh ki liang wei emhok ko u man kam ka Sub-Division neidaw wa man ko ka chnong wa jngai na Tura kamjooh leh ka Dadenggre Civil Sub-Division.
Da ong u leh wa neidaw wa heh kani ka thaiñ chem chitom wow pynkreh kaam ya kiwa boon ki scheme sorkar kamtæ deiwa em kani ka Sub-Division daw ye u pynpoi ya ki scheme cha kiwa boon wei da kyntu u ya ki paidbah wow krehlang ki wa ki sahep kani ka Sub-Division.
Chooh chooh da ong u wa lada nujor wa kiwi ki jylla, ka Meghalaya toh kawa ku bha ha waroh ki liang wei ha kini ki 15-18 wow wan, ka jylla toh u man ko wa em ka la-ær wa ki dak ki kaam wa roi ha waroh ki kdong ki chmiang.
Ha kani ka sngi da leh burom leh ki 3 ngut ki Nokma wa da e mynkna yei thaw yong ki yow chna ya ka yung krehkaam kani ka Sub-Division.
Discussion about this post