15 49.0138 8.38624 1 0 4000 1 https://wyrta.com 300 0

Wai u Prestone ya ka Milk Collection Centre

0 Comments
Advertisement ad1

Shillong: U symbood montri rangbah ka jylla, u Prestone Tynsong uwa pait leh yaka chnat Animal Husbandry & Veterinary, da wai u yaka Milk Collection Centre and Laboratory cum Office ka Iatyllilang Multipurpose Cooperative Society, HQ Mawshaidong, Nongpiur-Myrkhan, ha Myrkhan, Upper Shillong ynne ka sngi. 

Ha kani ka sngi da emlang leh u montri ka chnat pynroi sor, u Hamletson Dohling, u R V Lyngdoh, MDC, u M Tongper, ADM, East Khasi Hills, u PT Passah, BDO, Mylliem C&RD Block, u K N Kumar, Chairman, Meghalaya Farmers Empowerment Commission, wa kiwi kiwi.

Advertisement ad1

U Prestone Tynsong da ong u wa i em ki Cooperative Milk Collection Centre daw yarap bha ko ya ka Meghalaya. Da ong u wa i kaam ri mrad ye bha i u yarap wow e khih e kreh ya ki bru hapoh jylla.

Ka Meghalaya nadooh ki por nachwa emkaam bha ko wow pynku ya ka kaam ri mrad wei ka sorkar thooh ko ya ki laad wow pynman kaam yeitæ. 

U Prestone da ong u wa ka Meghalaya Milk Mission daw yarap bha ko wow pynku yei emkaam dud hapoh jylla heiwa da mang T. 220 klur lyngba ka National Cooperative Development Corporation (NCDC) deiwa kyntu ya kiwa psan mrad wow chim kabu ki na kani ka Mission. 

U K N Kumar da ong u wa emkaam wow dih dood man ka sngi yow man kiwa chait wa khiah, deiwa ong leh wa 27% ki khynnah ha Meghalaya toh kiwa ym em yoh ki yei baam wa biang neidaw wa duna i dih dood, wei deiwa em kam kini ki Cooperative daw ye u pynbiang yei emkaam dud yow yoh ki khynnah yei chait i khiah. 

Kiwi kiwa da klam ha kani ka sngi toh u Hamletson Dohling, u P T Passah wa kiwi kkwi.

Advertisement ad1

0 Comments

Leave a Reply